Компьютерде интернет жоқ болса не істеу керек?
Компьютерде интернетсіз қалу — кең тараған мәселе. Мұндайда бірден бірнеше себептерді тексеріп көруге болады. Төменде ең қарапайым және тиімді әдістерді қарастырайық.
Желілік кабельдерді тексеріңіз
Интернет сымы немесе желілік кабель ажыратылып кетуі мүмкін. Әсіресе кеңседе немесе үйде үстелді не орынды ауыстырғанда сымдардың қозғалуы жиі кездеседі.
Қалай тексереміз?
— Интернет кабелін компьютерден ажыратып, қайтадан мұқият қосыңыз.
— Кабельде зақым немесе үзілген жер бар-жоқтығын тексеріңіз.
— Маршрутизатор (роутер) артындағы қосылымдарды көзбен бақылап көріңіз.
Маршрутизаторды қайта жүктеңіз (роутер)
Көп жағдайда интернет байланысы роутер мәселесінен үзіледі. Бұл көбіне құрылғы ұзақ уақыт үздіксіз жұмыс істегеннен кейін орын алады.
Қалай қайта жүктейміз?
— Роутердегі қуат көзін ажыратып, 1 минут күтіңіз.
— Қайта қосылған соң, интернет 2-3 минут ішінде қалпына келуі мүмкін.
Wi-Fi адаптерін тексеріңіз
Егер ноутбук немесе компьютер Wi-Fi арқылы қосылған болса, адаптер қызметін тексеріңіз.
Тексеру қадамдары:
— Экранның төменгі оң жақ бұрышындағы Wi-Fi белгішесін тексеріңіз. Ол өшіп тұрса, қосыңыз.
— Ноутбуктерде Wi-Fi-ды қосатын арнайы түйме бар (Fn + F1-F12 батырмасы арқылы). Оның белсенді екеніне көз жеткізіңіз.
Желілік параметрлерді тексеріңіз
Кейде интернет параметрлері автоматты емес, қате жолмен орнатылған болуы мүмкін.
Оны тексеру үшін:
— «Пуск» мәзірінен «Параметрлер» → «Желі және интернет» бөліміне өтіңіз.
— «Желілік адаптер параметрлері» батырмасын басыңыз.
— Мұнда Ethernet немесе Wi-Fi адаптерлерінің қосылған/өшірілгенін көзбен бақылаңыз. Өшіп тұрса, оң батырмамен басып, іске қосуға (включить) болады.
Компьютеріңізді қайта қосыңыз
Компьютер қайта іске қосылғанда, барлық жүйелік процестер жаңарады және кішігірім техникалық ақаулар жойылуы мүмкін.
Мысал келтірейік: Компьютеріңіз бір аптадан бері үздіксіз жұмыс істеп тұр делік. Сол жағдайда желілік адаптердің драйвері дұрыс жұмыс істемей қалуы мүмкін. Компьютерді қайта жүктеу арқылы бұл мәселе оңай шешіледі.
IP мекенжайын автоматты алуды тексеріңіз
Кей жағдайларда IP мекенжайы белгісіз себептермен бұзылуы мүмкін. Мұндайда келесі қадамдар қажет:
— «Панель управления» арқылы «Центр управления сетями и общим доступом» бөліміне кіріңіз.
— «Изменение параметров адаптера» таңдап, желілік қосылымды тауып алыңыз.
— Тінтуірдің оң жақ түймесін басып, «Свойства» → «IPv4 протоколы» жолын таңдап, IP мекенжайын автоматты алуға таңдау қойыңыз.
Интернет төлемін тексеріңіз
Егер жоғарыдағы әдістер нәтиже бермесе, есепшотыңыздағы қаражаттың бар-жоғын, тарифтің белсенділігін тексергеніңіз жөн. Провайдеріңізбен байланысып, мәселе сізден бе, әлде интернет компаниясы тарапынан ба — білуіңіз қажет.
Антивирустық бағдарламаларды тексеріңіз
Кейде антивирус немесе брандмауэр желілік байланысты бұғаттап тастауы мүмкін. Мұндайда келесі әрекеттер істеледі:
— Антивирусты уақытша сөндіріп, интернет қосыла ма, көріңіз.
— Егер байланыс қалпына келсе, антивирус бағдарламасының параметрлеріне кіріп, желіні бұғаттауды өшіру керек.
Желілік адаптердің драйверін жаңарту немесе қайта орнату
Интернеттің жоғалуының бір себебі – желілік драйверлердің дұрыс жұмыс істемеуі.
Ол үшін:
— «Диспетчер устройств» ашып, «Сетевые адаптеры» бөлімін табыңыз.
— Өз адаптеріңізді таңдаңыз, оң жақ батырмамен «Обновить драйвер» немесе өшіруді (удалить) басыңыз. Өшірген соң компьютерді қайта іске қоссаңыз, драйвер автоматты түрде орнатылады.
Қорытындылай келе, интернет жоқ болса дүрбелеңге түсудің қажеті жоқ. Әдетте жоғарыда көрсетілген қарапайым әдістер мәселені шеше алады. Сондықтан, барлық әрекетті асықпай, мұқият орындаңыз. Егер барлығын тексергеннен кейін де мәселе шешілмесе, интернет провайдеріне хабарласып, консультация алған дұрыс. Мұнда көрсетілген қадамдарды бір-бірлеп жүзеге асыру арқылы интернетті жылдам қалпына келтіру мүмкіндігі жоғары болады.